احيان تراودني افكار عن حياة اهل المملكة بالسابق التي لم نعش بين كنفاتها وعن حياتنا نحن اليوم وكيف عيشتنا وكيف عاش جدودنا عاشو عيشة اهل منطقة واحدة بأخوتهم وتراحمهم وترابطهم كانت عيشتهم عيشه عفوية وعيشه تمتزج بالتشارك حتى بالاكل والشرب واحيان النوم بالمنزل الواحد في بعض الضروف اما عيشة اليوم صارت كل ٍ همه نفسه وماله وأولاده ولايهمه أحد حتى ولو كان جاره وهذا من مشاكل العصر الحديث الي كل واحد منا لاهي بهالدنيا الفانية الله لاجعله أكبر همنا فوق كل اعتبار وهذي عاده دخيله علينا نحن اهل الخليج فكان الناس بالسابق يسألون اذا غاب احديوم واحد تلقى هل الديرة مجتمعين وينشدون بعض عنه وكل واحد قام بدوره إن كان عليه ضروف صعبه كل ٍ وقدرته وكانو دائما ً يجتمعون بالمسجد ويقولون هذ اللي يزيد التواصل بين الجيران لأن كان بذاك الوقت مافيه كثرة مساجد بالحاره الواحدة ولا به وسائل مواصلات تسمح بخروج الشخص من الحارة بشكل متواصل والغريبه إن كلنا نعرف هالأشياء بس نتجاهل ماكان عليه جدودنا مافي شك كانو يلقون مصاعب في سبل العيش وسائل التواصل مثل هالوقت لكن هالمصاعب لها طعم خاص لان حياتهم عملية اكثر من انها تسلية وضحك ومع هذا الفقر كانو اقل شي يجتمعون كل اهل حاره يوم واحد بالاسبوع وكانو يسمنها ((الشبة)) رجال ونساء وأطفال ممازاد ترابط بين الجيران وكذالك إجتماع الأعيد اللي لحقنا على شي منه بما فية من خشرة عيال الحارة بما يتيسر وإن كان فقير يواسونه ويعطونة لا لجل تكون هناك مودة وصله وغنيهم يرفد فقيرهم وإذا سكن جار جديد بالحارة تعقبوة بالعزايم وإذا اجتمعو مايجتمعون على حقد وبغضاء وما نسميه ((بالخشيميات)) والله إنه كانت موجودة إلى وقت قريب لكن ماأدري وش العلة أللي صابة هل الرس بذات لأني مأدري عن باقي الديار . اما الحين الله يلطف بحالنا ما تزين السوايف والتسليه والشماتة إلا بمشاكل ومصايب الجيران والأقارب ويقولون إن هالعادة لبعض الحريم منول وهالحين والله يابه رجال أردى من الحريم مع إحترامي وغير أن بعد الجار مايعرف إسم جاره ولايجتمعون إلاغصب اما بالمسجد وقت الصلاة ولا مناسبة مثل العيد إذا كان هناك جتماع عيد بالحاره ولا زواج يمكن إني كتبت الموضوع على شكل سباحين بس والله إني أتمنا يرجع كل شي على ماهب علية ولا له إلا هالأسلوب وحبيت أسوي مقارنه بالصور بين الحاضر والماضي لاحظو الفرق بالأجتماع رغم تشابة المواقع والتطور الحاصل وقارنو بين العهدين الماضي وبساطته وحضارة الحاضر وعنفوانه الصور من الرياض بس التشابه بالتغير موجود بكل المناطق

Advertisements
Published in: on مارس 12, 2010 at 8:17 م  اكتب تعليقُا  

The URI to TrackBack this entry is: https://azizkk.wordpress.com/2010/03/12/9/trackback/

RSS feed for comments on this post.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: